​

Na fase de creación, traballamos diferentes áreas do deseño , presentes no currículo de bacharelato.  A metodoloxía consistía sempre na explicación de contidos a través de presentacións, a explicación do exercicio que se vinculaba ao proxecto e nas rúbricas. Todo colgado na aula virtual do centro. Ademais utilizamos esta ferramenta para a entrega de traballos.

O alumnado contou con táboas de indicadores (rúbricas) para a avaliación de cada exercicio, co que se facilita o entendemento dos mínimos que debe alcanzar e co que pode realizar a súa autoavaliación. Levouse a cabo a práctica da retroalimentación, de forma que as tarefas individuais e grupais foron devoltas con correccións e comentarios por parte da profesora para fomentar no alumnado o espírito autocrítico e motivalo na mellora da súa tarefa. Foi unha retroalimentación construtiva orientada ao progreso e perfeccionamento na aprendizaxe e unha retroalimentación apreciativa enfocada á motivación e ao recoñecemento. Tamén se realizará a coevaluación, de forma que nas exposicións orais os propios estudantes avalíen o traballo realizado polos seus compañeiros e compañeiras apoiados/as nunha folla de rúbricas para realizar unha avaliación obxectiva, crítica e construtiva.

IDENTIDADE CORPORATIVA

Buscáronse as tipografías, creáronse os deseños dos logotipos… e outorgámoslle unha cor a cada área. O vermello para cinema, o laranxa para literatura, o amarelo para arte, o verde para ciencia, o azul para deporte e o violeta para música e danza.

Realizamos a maquetación das cartas do xogo, as instrucións, os carteis informativos… en Canva. Grazas a este programa, o alumnado traballou practicamente igual que un deseñador/a gráfico/a, valorándose se poñía o sangrado, as marcas de corte, se o arquivo estaba preparado para imprenta...

DESEÑO 
EDITORIAL

ILUSTRACIÓNS

Cada xogo está ilustrado polo alumnado de bacharelato, utilizando tanto o debuxo dixital como o tradicional.