23 de ABRIL
Día do Libro
POR JESSICA MERA REDONDO
O xoves 20 de abril, co motivo da celebración o día 23 de abril do día do libro, acompañounos a escritora Ánxela Gracián, que falou sobre o seu libro "Donas de nós".
Asistiu o alumnado de 1º ESO, que traballou esa obra na clase de Lingua e Literatura Galega e fixeron unhas ilustracións en Educación Plástica. Ademais fíxose unha exposición desas ilustracións.
PROXECTO
INTERDISCIPLINAR
Lucía González. Lingua e Literatura Galega
Jessica Mera. Educación Plástica Visual e Audiovisual
FASES
-
LECTURA E ANÁLISE DA OBRA
Na materia de galego, impartida por Lucía González, leron a obra e analizárona. Coñeceron en profundidade os seus personaxes e características.
2. TALLER DE TEXTURAS
Como parte da unidade didáctica de cor e texturas, o alumnado de primeiro de Educación Plástica creou un catálogo de texturas que serían utilizadas despois nas súas ilustracións.
3. CREACIÓN DAS ILUSTRACIÓNS
Para terminar o proxecto. Realizáronse as ilustracións do libro. Para iso, primeiro dividíronse as escenas entre o alumnado. O formato elixido para darlle coherencia visual foi un A3, en cartolina e a orientación en horizontal.
PUBLICACIÓN
Para terminar o proxecto, convidamos á escritora da obra para que nos falase do seu libro e poder ensinarlle o traballo do alumnado. Para a realización do acto axudounos o Equipo de Dinamización Lingüística.
