Tras o enorme éxito dos xogos de mesa realizados polas alumnas de 1º de Bacharelato nos que nos propuxemos dar a coñecer a mulleres relevantes galegas, decidimos continuar enriquecendo o proxecto. Para iso, puxémonos en contacto coa profesora de Lingua, Felisa Redondo do IES Ánxel Fole que leva anos creando a páxina web, Mulleres de Lugo. Decidimos crear un produto en común para dar a coñecer a mulleres de Lugo a través dun calendario ilustrado. Aproveitamos as ilustracións das alumnas gañadoras do concurso de carteis do 8M da Xunta de Galicia.